Ве повикувам на 27-ми да излеземе сите на избори, заедно да дадеме придонес кон подобра иднина на нашата земја. Да гласаме за промени, да гласаме за нов почеток, повика вечерва претседателот на СДСМ, Зоран Заев од населбата Капиштец во општина Центар.
Во своето обраќање пред големиот број насобрани граѓани тој посочи дека само народот може да ја сопре оваа криминална власт. Гласот за промени ќе значи и глас за борба против сиот криминал на оваа власт.
-Два дена го повикувам премиерот Груевски да каже како и зошто зел 1,5 милиони евра во кеш? Тој молчи. Епа ние нема да молчиме, до крај ќе одиме во разобличување на оваа власт. Ние ќе продолжиме, па нека види целиот народ кој лаже и кој не е чесен, рече Заев.
Обраќање пред насобраните граѓани имаше и претседателскиот кандидат, Стево Пендаровски. Тој ги повика граѓаните масовно да излезат на гласање и да допринесат за промените кои и се потребни на Македонија.
-На 27-ми очекувам од Центар двојно да го зголеми резултатот, рече Пендаровски.
Општина Центар покажа дека го избира патот на слободата, патот на демократијата, патот кон промените. На 27-ми да го поддржиме нашиот Претседател Стево Пендаровски и нашите листи, рече носителката на Изборна единица 1, Рената Дескоска.