Во ДУИ се убедени дека со СДСМ ќе се договорат за кандидат кој ќе биде прифатлив и за двете партии и кој реално ќе ja отсликува кохезивноста на општеството. Нашите убедувања се слични и лесно можеме да постигнеме договор за да имаме заеднички кандидат велат од ДУИ.
Во ДУИ се против предвремени парламентарни избори кои би се одржале заедно со пртетседателските избори како што бара ВМРО ДПМНЕ.
Македонија нема време за губење и сега е време да се концентрираме на реформксите закони за земјава да ги почне преговорите со ЕУ во јуни коментираат од партијата на Ахмети.
Исто така, од таму додаваат дека ВМРО ДПМНЕ знае дека ќе ги изгуби претседателските избори и затоа најавува бојкот на претседателските избори ако со нив не се распишат и вонредни параламентарни избори.
ВМРО ДПМНЕ треба да се охрабри, да се одважи и да учествува на изборите иако најверојатно ќе ги изгуби велат во ДУИ.
Претседателот на опозициската ВМРО – ДПМНЕ пред една недела изјави дека очекува победа претстојните претседателски избори иако партијата се уште нема официјален кандидат. Тој не откри дали и кој се пријавил на конкурсот за избор на претседател и дека кандидатот ќе биде избран по неговотo затвoрање, на 31 јануари, на партиска конвенција.
-ВМРО ДПМНЕ е парија која транспарентно се обраќа кон граѓаните и кон сите оние заинтересирани кандидати кои сакаат да аплицираат на конкурсот и кои ги исполнуваат условите, а се пропишани со закон. Ќе почекаме до 31 јануари кога јавноста ќе ги дознае имињата на тие што се пријавиле. Очекуваме заедно со пријавените кандидати и со оној кандидат што ќе биде избран на конвенцијата, ВМРО ДПМНЕ ќе понуди најдобра програма како што впрочем беше и во минатото. Јас очекувам голема победа на ВМРО ДПМНЕ на претседателските избори, изјави Мицкоски.
Прашан како очекува да победи на изборите без поддршка од партиите од албанскиот блок, Мицкоски рече дека тие имаат редовна меѓусебна, но и неофицијална комуникација на повеќе нивоа вклучувајќи и претседателско.
Тој истакна дека на претседателот на државата не треба да му се дава етнички контекст и дека претседател ќе биде кандидатот кој ќе освои најголем број од гласовите на сите етнички заедници во Македонија што ќе излезат да гласаат.