Амбиентот во државата е дека граѓаните сакаат промени. Не треба заканите и притисоците да ни го скрати правото на избор, им порача претседателот на СДСМ, Зоран Заев на жителите на општините Аеродром и Кисела Вода.
На 27ми треба масовно да излеземе на гласање за јасно да ја покажеме волјата на граѓаните за промени во Македонија, рече Заев.
Жителите се загрижени за иднината на своите деца. Вработувањето по струка е голем проблем кај младите.
Дуќанџиите се пожалија дека глава не можат да кренат од големите казни и извршителите.
Заев им ги објасни мерките кои СДСМ планира да ги спроведе во врска со нивните проблеми. Намалување на казните за 50%, намалување на таксите за извршители како и субвенционирање на фирмите кои ќе вработуваат млади луѓе се само дел од одговорите на СДСМ за проблемите на граѓаните.
Граѓаните на Македонија ја знаат вистината. Ние сме тука заедно со Вас, да не дозволиме режимот да триумфира.
Продолжуваме заедно, чесно и достоинствено за подобро утре на сите граѓани.
Убеден сум дека на 27-ми април граѓаните ќе се кренат во одбрана на својата земја и победа над овој режим со масовност и поддршка за новиот концепт, како и за идеите и вредностите за кои сите ние се бориме, порача Заев.
Забелешка: Информацијата претставува интегрално соопштение на прес центарот на СДСМ