Синоќа во штипската населба Сењак, на голем граѓански собир се обрати претседателот на СДСМ, Зоран Заев и носителот на кандидатската листа на пратеници од третата изборна единица Марјанчо Николов.
Штип е познат како град-тврдина во Источна Македонија. Исарот бил штитеник на граѓаните и градот Штип. Ајде на 13-ти април да гласаме за промени, сите ние да бидеме заштитници на македонските граѓани и Македонија, да најавиме нов претседател!, се обрати претседателот на СДСМ, Заев пред штипјани.
Претседателскиот кандидат Стево Пендаровски е универзитетски професор со свој изграден кредибилитет и личен интегритет. Љубовта кон татковината е таа што го води во животот и работата. Во најважните моменти во поблиската историја на земјата тој беше предводник на мирот. Затоа Македонија го заслужува Стево Пендаровски за претседател!, посочи Заев.
Претседателот на СДСМ, Зоран Заев го повика актуелниот премиер Груевски на директно соочување, дуел, да ги спротивстават фактите. Заев упати директна порака до Груевски дека при примопредавањето на премиерската функција токму Груевски ќе биде првиот што ќе ја види оставката на Заев од градоначалничката функција.
Нека се одважи Груевски и нека се откаже од првото место на пратеничката листа, нека не се крие зад пратеничкиот имунитет ако се чувствува исправен пред македонските граѓани.
Заев им порача на штипјани дека 28-ми ќе осамне, и дека сите моќници, челници и функционери кои ќе се дрзнат да го заплашуваат народот, да го поткупуваат избирачкиот глас и да ги уценуваат граѓаните со работни места, ќе одговараат пред Законот. Новиот изборен законик предвидува казни од 3 до 5 години.
-Најавуваме враќање на слободата, на дебатата и разговорот без страв! Сплотени и единствени ќе чекориме напред кон иднината со крената глава ! – го заврши своето обраќање пред граѓаните на Штип, претседателот на СДСМ, Зоран Заев.