Ние сме влада за работниците апелирам до компаниите кои имаат акумулирани средства, а прикажале загуба, да им исплатат К-15 на своите работници, изјави денеска премиерот Зоран Заев.
Уште еднаш Законот и самите колективни договори регулираат дека кога компаниите покажуваат загуба тогаш нивната задолжителност паѓа, но имаме компании што оваа година ќе покажат загуба, но и имаат добра акумулирана добивка од претходните години или знаат дека веднаш загубата од 2020 има сериозен потенцијал да биде покриена во 2021 година, рече Заев одговарајќи на новинарско прашање на прес-конференцијата со помошникот државен секретар за енергетика на САД, Францис Фанон во Владата.
-Затоа и Владата разви цела лепеза на мерки како да ја зајакне приватната потрошувачка да пушти повеќе пари не само преку куповните картички што ги даваме, туку преку помагање на компаниите заради платите и стабилноста на платите, но и сите други мерки што ги развиваме затоа што не само што им треба помош на граѓаните, а тоа се и работници во државата, туку и треба севкупна помош на македонската економија што можеме на многу убав начин да ја зголемиме преку привната зајакната потрошувачка, истакна премиерот Заев.