Премиерот Зоран Заев денеска истакна дека никој не е виновен додека не му се докаже вината, одговарајќи на новинарско прашање поврзано со приведувањето на Драги Рашковски.
Тој и денеска истакна да тврди дека се било законски, но како што рече може да бил и пристрасен, бидејќи Рашковски бил генерален секретар во неговата Влада, поради што надлежните институции ќе го истражат случајот. Премиерот го повтори ставот дека во земјава повеќе нема недопирливи.
-Тоа е уште еден доказ дека нема недопирливи. Дека некој што бил секрететар на владата, и бил во мојот кабинет, законот важи еднакво за сите. Институциите си ја вршат својата работа. Нема недопирливи ниту од власта, ниту од опозицијата. Треба да остане дека никој не е виновен, се додека не се покаже спротивното. Генерланиот секретар Мухамед Зекири ја доставил целата документација до ЈО. Уште еднаш ќе кажам дека законот мора да важи подеднакво за сите“, рече Заев.
Претходно, ОЈО за гонење на организиран криминал и корупција, за случајот со софтверот наменет за проверка на брзина на движење на возилата, купен од фирмата „Инвока Груп“, изрази сомнеж дека предизвикана е финансиска штета врз државниот буџет во висина од речиси 180 илјади евра.
Според обвинителството во временскиот период од месец јануари 2019 година до месец јули 2020 година, првоосомничениот со неизвршување на своите службени должности при спроведување постапка за јавна набавка спровел јавни набавки спротивно на начелото за економичност, ефикасност и ефективно користење на јавните средства, утврдени согласно прописите што го уредуваат користењето на буџетските средства и за три економски оператори прибавил корист – право да учествуваат во постапките за јавни набавки и да склучат договори за истите и притоа да се стекнат со противправна имотна корист во вкупен износ од 11.018.321,00 денари (179 159 евра).