Премиерот Зоран Заев денеска на потпишувањето на на меморандум за соработка со шефовите на владите на Србија и Албанија – Ана Брнабиќ и Еди Рама рече дека македонските граѓани нема да плаќаат од свој џеб доколку бидат хоспитализирани во овие две соседни земји.
Со овој документ трите земји ќе разменуваат искуства и ќе соработуваат во борбата против корона вирусот, како и ќе се овозможи државјани на третите земји да бидат примани во локални болници. Се истакнува и дека е важно исто така да продолжи и економската размена и трговија и соработка меѓу трите држави.
– Македонски граѓанин ако треба да се лекува во една од овие две соседни земји во која е хоспитализиран, таа земја ги превзема трошоците. Доколку наш граѓанин треба да се лекува во Албанија или Србија, нема да треба да плаќа од својот џеб. Исто и граѓаните од Србија и Албанија нема да плаќаат од свој џеб доколку се затекнат со лекување на нашата територија, рече Заев.
Тој додаде дека утре во рамките на Берлинскиот процес очекува позитивна поддршшка од ЕУ во прогресот на овие три земји во евроинтеграциите, односно почеток на преговорите за Северна Македонија и Албанија.
– Утре Берлинскиот самит ќе ја испрати пораката на почеток на преговорите, односно отворањето на првите поглавја и првите меѓувладини конференции, порача Заев.