Лидерот на СДСМ, Зоран Заев во честитката за 2 август до граѓаните на Македонија, излезе со порака:
-Да ги оставиме разликите, од каква природа и да се, секој да извлече максимум од себе, да покажеме меѓусебна почит и да се свртиме кон заедничка иднина, достоинствен дом во кој има место за сите.
Денес, повеќе од кога и да е имаме потреба да ја вратиме слободата на духот, креативна движечка сила која единствено носи напред.
Слободата на земјата по која копнееле и тргнале илинденците пред 110 години, годинава, на 69 годишнината од АСНОМ да ја насочиме кон создавање општество на слободни граѓани кои разменувајки идеи, мисли, визии, одлучуваат и градат подобро утре за кое сонувале претците, што го посакуваме ние, а го заслужуваат нашите деца.
Денес, повеќе од кога и да е имаме потреба да ја вратиме слободата на духот, креативна движечка сила која единствено носи напред.
На сите граѓани на Македонија Социјалдемократскиот сојуз им го честита големиот празник Илинден со надеж дека земјата конечно ќе успее да направи исчекор интегрирајќи се во евро-атлантските асоцијации што ќе придонесе за поквалитетен живот, вели меѓу другото Заев во честитката за 2 август до граѓаните на Македонија.