Подготовките на Бразил за Светското првенство во фудбал 2014 претрпуваат застој откако судот во средата побара итно одложување на градењето на еден од стадионите-домаќин на престижниот фудбалски турнир поради безбедносни причини.
Арената „де Биксада“, исто така позната како „Жоаким Америко Гимараеш“, се наоѓа во градот Куритиба. Овој стадион е предвиден да биде домаќин на четири натпревари од групната фаза во јуни следната година.
Но судијата Лорена Колнаго ја одложи целата активност околу стадионот откако изјави дека работниците се изложени на висок ризик.
Одлуката е да се одржи инспекција пред да продолжи работата откако судијата потенцираше дека работниците биле во опасност „да бидат потрупани, прегазени, да паднат од височина или да бидат погодени од материјалите“.
Оваа одлука е донесена по посетата на секретарот на ФИФА, Џером Валке, кој пак изјави дека сите стадиони треба да бидат готови до декември.
Воведниот натпревар од Светското првенство 2014 ќе се одигра во Сао Паоло, додека последниот натпревар на светски-познатиот Марака во Риод де Жанеиро, кој беше обновен годинава по долгите реставрации.