Заедничка акција на ССНМ, ЗНМ и новинарскиот бенд „The reporters“ почнува со проектот „Солидарност за слобода“ со цел основање на солидарен фонд за новинарите и медиумските работници.
Вечерва во 21 часот во Клуб на новинари ќе биде промовиран конкурсот, на кој сите луѓе од медиумите но и сите граѓани, ќе можат да испратат песни и текстови на теми поврзани со солидарноста, слободата на изразување, граѓанските права и еднаквоста.
Најдобрите дела ќе бидат вклучени во албумот на „Д Рипортерс“, а потоа ќе следи и мини турнеја во осум градови низ Македонија.
Собраните средства од продажбата на албумот, билетите на концертите, меморабилиjата и донациите од сите добронамерници ќе бидат искористени за помош на новинари и медиумски работници во неволја.
Еве детали од Конкурсот за текст и музика за песна на тема слобода:
– Текстовите на песните можат да бидат напишани на сите јазици што се говорат во Република Македонија
– Текстовите на песните се праќаат на адреса ssnm.info@gmail.com, под шифра и со назнака „текст за конкурс“
– Музиката се праќа на истата адреса, во mp3 формат, под шифра и со назнака „музика за конкурс“
– Конкурсот трае до 17 август
– Најдобрите текстови и најдобрите песни ќе ги избере тричлено жири, а тие ќе бидат искористени како материјал за музичкото CD „Слобода“ што во рамките на проектот „Солидарност за слобода“ ќе го издаде ССНМ.
– Авторите на најдобрите песни ќе потпишат договор со ССНМ за отстапување на своите авторски права, произлезени од објавувањето на нивните песни на ова CD, во полза на Солидарниот новинарски фонд.
– Бројот на песните со кои што може да конкурира еден автор не е ограничен.
Конкурсот и официјално ќе биде објавен вечерва во клубот на Здружението на новинарите на Македонија. По овој повод вечерва со почеток во 20.00 се организра забава на која ќе настапат Рипортерс и Амнон Мра со пријателите. https://www.facebook.com/events/380802155375645/