32 -та седницата во Парламенот започна. ВМРО-ДПМНЕ не влезе во салата, но законите се усвојуваат со 62 гласа од владејачкото мнозинство.
И без опозиција петтиот пакет на мерки ќе биде изгласан денеска. Помошта ќе стигне до граѓаните, изјави координаторот на пратеничката група на СДСМ, Јован Митревски и додаде дека заразените пратеници дошле во Собрание со целосно испочитуван протокол на Комисијата за заразни болести, со дозволи и контрола од инфектолози.
-Не е ова ништо што е на штета на другите пратеници, не е прв пат, тоа се случи и кога гласавме нова влада(кога пратеникот Зибери беше суспектен на корона), рече Митревски.
Тој објасни дека двајцата заразени пратеници ќе бидат изолирани во посебни кабини, ќе влезат од посебен влез и ќе се движат со посебен лифт. Едната пратеничка дошла со Брза помош на сопствен трошок. На третата заразена пратеничка изолацијата и завршила вчера, а еден од пратениците од владејачкото мнозинство имал скршена нога.