По најавите на социјалните мрежи за нови протести во Скопје, во околината на Јаја пашината џамија и на скопски Бит пазар е зголемено присуството на полициските сили.
Заменик – министер во МВР задолжен за односи со јавноста, Иво Котевски за НОВА изјави дека МВР ги превзема сите потребни безбедносни мерки во рамките на законот.
Според него над 40 лица вмешани во минатонеделните протести во Скопје се приведени изминативе денови, тие синоќа биле изведени пред истражен судија.
„Полицијата ќе продолжи да ги приведува сите лица за кои има сознанија дека учествуваа во минатонеделните насилства“, изјави Иво Котевски.
Министерството за внатрешни работи вчера апелираше да надвладее разумот и да се престане со девијантно и насилничко однесување.
Без разлика што никакви протести не се формално најавени, врз основа на оперативните сознанија и информации, полицијата ќе ги преземе сите неопходни мерки, а против сите кои би предизвикувале или би учествувале во какви било инциденти ќе следуваат најостри санкции, соопшти МВР.
МВР со повик до граѓаните кои размислуваат да учествуваат во некакви протести не смее да дозволат да бидат изманипулирани и вовлечени во какви било сценарија бидејќи товарот на одговорноста ќе падне врз нивниот грб.