Во центарот на Загреб утрово одекнале истрели. Во близина на зградата на Владата бил ранет полицаец, а напаѓачот подоцна бил пронајден мртов. Поради инцидентот, дел од градот е затворен, пренесуваат хрватските медиуми.
Бројни полициски сили се наоѓаат на плоштадот, каде што се наоѓа седиштето на Владата, Парламентот и Уставниот суд, не е дозволен пристап за граѓаните, а хеликоптерите го контролираат градот.
На околните улици полицијата за премин ги пушта само жителите кои живеат во зградите во близина.
Дел од хрватските медиуми претходно објавија дека напаѓачот, кој подоцна бил пронајден мртов во Јабуковац, наводно пукал во зградата на Владата и Парламентот и дека куршумот го погодил само полицаецот.
Местото на инцидентот го посети премиерот Андреј Пленковиќ, кој, како што наведува Хина, сепак не бил во зградата на владата, иако дел од медиумите претходно објавија дека Пленковиќ бил во владата за време на настанот.
Според извештаите на медиумите кои се повикуваат на очевидци, напаѓачот дошол од зградата на владата од север, од црквата Свети Марко.
Во тек е истрага за расветлување на случајот.