Владата на САД започна делумно затворање откако двата дома на Конгресот не успеаја да се договорат за буџетот, јавува СНН.
Претставничкиот дом воден Републиканците инсистираше на одложување на здравствената реформа на Обама – наречена Обамакеар (Оbamacare,) – како услов за донесување на законот.
Повеќе од 800.000 федерални вработени се соочуваат со неплатено отсуство без гаранција за да бидат платени подоцна, откако ќор-сокакот ќе биде завршен.
Тоа е првото делумно исклучување по 17 години.
Економското влијание ќе зависи од тоа колку долго ќор-сокакот трае, но Голдман Сакс проценува три-неделно исклучување дека може да биде загуба од 0,9% од американскиот БДП во овој квартал.
Блокадата на Владата ќе влијае и на инстируциите- работата на судовите до финансирањето на армијата, полицијата и сите федерални институции.
За време на драматичниот понеделник во Вашингтон, прво Сенатот во кој мнозинство имаат демократите, усвои предлог со кој се предвидува финансирање на Обамакеар со што беше вратен буџетскиот закон на одлучување во Конгресот.
По повеќечасовни консултации, Конгресот во кој мнозинство се Републиканците, почна гласање околу дваесет часот по локално време и по получасовна дебата изгласа нов предлог за буџет кој одлага финансирање на Обамакеар за една година.
За тој предлог гласаа 228 конгресмени, додека 210 беа против. Меѓу оние кои гласаа за, имаше и девет демократи додека 12 републиканци гласаа против тој предлог.
Сенатот веднаш се состана и во 22.30 по локално време, го одби предлогот на Конгресот со 54 гласа за и 46 против, со што беше вратена верзијата на предлогот за ново одлучување во Конгресот.
Истовремено со гласањето, според американски медиуми, имаше и политичко лобирање, а претседателот Обама по телефон разговараше со лидерите на републиканците и демократите во Конгресот и Сенатот апелирајќи да го изгласаат буџетот.
Си-Ен-Ен пренесе дека лидерите на Републиканците нудат преговори со Демократите, но тоа беше одбиено од страна на демократите.
Во меѓувреме, претседателот на САД потпиша закон со кој се осигурува припадниците на армијата и крајбрежната стража да добијат плати за време на финансиската блокада на Владата.
По стапувањето на сила на укинувањето на финансирање на Владата, двете страни може да продолжат со преговори и да ја прекинат блокадата во момент кога ќе има договор за буџетот и финансирање на Обамакеар.