По дводневна научна расправа мешовитата македонско-бугарска комисија за историски и образовни прашања нема конечен договор за револуционерот Гоце Делчев, соопштија првите луѓе од македонската и бугарска страна Драги Георгиев и Ангел Димитров.
Мал напредок е постигнат во делот на учебниците за средновековието. Во однос на Свети Кирил и Методиј е постигната согласност дека се сесловенски и христијански просветители. Членовите на Билатералната мултидисциплинарна комисија за историски и образовни прашања помеѓу Република Северна Македонија и Република Бугарија договорила нова средба до крајот на годинава, и уште пет наредната година.
Георгиев рече дека на маса има нови предлози и нови идеи за ова прашања коишто ќе се разговараат во Софија.
„Има мали стапки поместување на напред и за мене тоа е важно во моментов. Процесот на разговори продолжува и понатаму, со сите тешкотии и сите чувствителни теми кои се на маса. Молам за трпение и поголема ематија и кон нас и кон колегите од Бугарија, за да можат прашањата да бидат дискутирани со што помалку емоции и тензии. Само на тој начин можат да се надминат работите. Ова беше 100-тата средба на која продолжија разговорите. Два дена имаше нмапорни дискусии. Договорено е до крајот на годината да има уште една средба, а догодина уште пет. Во текот на овие два дена, имаше дискусии за учебниците за 6 клас во бугарскиот образовен систем, и дикусија за Гоце Делчев. Постигнавме суштински напредок и остваривме една препорака во однос на учебниците.“ – рече копретседавачот на комисијата од македонска страна Драги Ѓоргиев.
Димитров, првиот човек од бугарската страна на Комисијата средбите ги опиша со метафора „облачно со многу дожд и по малку сонце“. Сепак рече дека за Делчев ќе се дискутира и понатаму, додаде дека на комисијата воопшто не станало збор за македонскиот јазик. Тоа, истакна Димитров одговарајќи на новинарско прашање, е тема за која треба да разговараат лингвистите.