Во недела се одржува вториот круд од шестите локални избори во Македонија. Вечерва на полноќ завршува изборната кампања. Утре и на денот на гласањето е изборен молк и тој ќе трае се до завршувањето на гласањето во недела во 19 часот.
Во втор круг ќе се глса во 29 општини и градот Скопје, а првиот круг ќе се повтори на 3 избирачки места во Струмица и едно во Долнени. Инаку 49 општини ги добија своите градоначалници во првиот круг.
Втор круг гласање за градоначалници ќе има во Арачиново, Берово, Битола, Богданци, Брвеница, Бутел, Велес, Врапчиште, Гостивар, Дебарца, Делчево, Ѓорче Петров, Јегуновце, Кавадарци, Карбинци, Карпош, Кочани, Куманово, Лозово, Могила, Ресен Старо Нагоричане, Струга, Студеничани, Теарце, Тетово, Центар, Чаир, Чешиново-Облешево и Градот Скопје.
Во Струмица ќе се прегласува првиот круг на избирачките места 1727, 1730 и 1734, каде што има вкупно 3.255 гласачи.
Управниот суд ги отфрли сите тужби од сите политички партии освен една за Кичево, но таму нема да има прегласување.
ДИК даде упатства до сите Општински изборни комисии во Ресен дека лицата со македонски патни исправи и адреси на живеење во Албанија немаат право на глас.