Претседателот на Украина, Володимир Зеленски одржа прес-конференција за новинари на која апелира до западните земји да му пратат воени авиони.
Ако немате моќ да го затворите украинското небо, тогаш дајте ми авиони. Ако повеќе нè нема нас, не дај Боже, следни ќе бидат Летонија, Литванија и Естонија, порача Зеленски.
Зеленски нагласи дека директни разговори со Владимир Путин се „единствен начин да се запре војната“.
„Ние не ја напаѓаме Русија, ниту планираме да ја нападнеме. Што сакате од нас? – Напуштете ја нашата земја. Седнете со мене. Само не 30 метри оддалеченост како со францускиот претседател Емануел Макрон, додаде тој, алудирајќи на преговорите на долгата маса во Кремљ минатиот месец.