Скромен напредок во областа на земјоделството, констатира Европската комисија (ЕК) во својот најнов извештај за Македонија.
Капацитетот за абсорпција за петтата компонентна серизно загрижува. Неупотребената сума од 7,39 милиони евра од ИПАРД програмата за 2009 година беа одземени, вели ЕК.
Според извештајот за напредок на Македонија, во областа на земјоделството, сериозно загрижува фактот што институционалниот капацитет на земјата овде е сосема недоволен.
Направени се чекори за подобрување на капацитетот на Агенцијата за финансиска поддршка за земјоделството и руралниот развој за да се применува ИПАРД, европската поддршка за оваа област, но сепак тоа не е доволно.
Во сосема рана фаза се подготовките на стратегијата за набљудување и подобрување на квалитетот на млекото за 2013 година – 2020 година која е усвоена како и законодавството на ориз и житарици.
Во руралниот развој усвоено е законодавство како и Законот за земјоделски кооперативи а зајакнато е и институционалниот капацитет на менаџирање на ИПАРД програмата во Министерството за земјоделство каде што се работи на петтата компонетата.
Да потсетиме дека петта компонента од ИПАРД има за цел да го подобри земјоделскиот сектор и компетитивноста на земјоделските производи, ефикасноста на пазарот и прилагодувањето на ЕУ стандардите во областа на заштитата на животната околина, јавното здравство, здравјето на животните и растенијата и заштитата на работа.
Оваа област напредокот на Македонија е лимитиран и напорите, вели ЕК, мора да бидат зајакнати. “Капацитетот за абсорпција за петтата компонентна серизно загрижува.
Неупотребената сума од 7,39 милиони евра од ИПАРД програмата за 2009 година беа одземени”, вели ЕК. Оваа забелешка може да се протолкува како предупредување дека дополнителни пари ќе бидат одземени и наредната година од буџетот за 2010 година доколку не бидат искористени.
Производството на органска храна исто така беа предмет на набљудувањето од страна на ЕК каде што таа забележала националната стратегија и акцискиот план биле усвоени за периодот 2013 година -2020 година. Производителите на органска храна добиваат пари кои се една третина од конвенционалното производство на храна. Но, и покрај овие пари капацитетот на производството на органска храна е опаднат. Административниот капацитет е оценет како недоволен а ЕК се надева дека подготовките ќе продолжат. Што се однесува за политиката на квалитет воведено е законодавство за географско потекло.
Во својот заклучок ЕК констатира скромен напредок. Таа вели дека е направен одреден напредок во земјоделството и руралниот развој, но дека административниот капацитет мора да биде зајакнат.