Во најновиот земјотрес со јачина од 7 степени според Рихтер што го погоди централниот дел на Кина загинаа најмалку 13 луѓе од кои шестмина туристи, а 175 се повредени.
Од планинскиот дел на покраината Сечуан по првиот земјотрес со јачина од 6,6 степени евакиуранис е над 30.000 туристи.
Стравувањата се дека во земјотресот загинале најмалку 100 луѓе, а над 1.000 се повредени, јавуваат агенциите.
Епицентарот на потресот бил на 200 километри северозападно од Џуџангоу, во провинцијата Сечуан, на длабочина од 32 километри.
Според Американскиот геолошки институт земјотресот погодил слабо населена област.
Во тек е акција на извлекување на преживеаните под урнатините во која се вклучени 600 пожарникари.
Областа погодена од земјотресот е под заштита на УНЕСКО, и е популарна туристичка дестинација позната по езера. СПоред агенцијата Ксимхуа во моментот во паркот имало 38.000 луѓе.
Во земјотресот во Сечуан во 2008 загинаа речиси 70.000 луѓе.