Под насловот „Трансформација”, во четврток, во една од најпознатите галерии во Софија, „Париз-Москва”, ќе бидат претставени дела од македонскиот скулптор Жарко Башески.
На своето прво претставување пред публиката во Бугарија, Башески ќе се претстави со свои три скулптури, меѓу кои за прв пат и со делото Езекил II.
Жарко Башески има учествувано на бројни домашни и меѓународни самостојни изложби (Париз, Њујорк, Бари, Малта), меѓу кои и како македонски претставник на 54 Биенале во Венеција 2011 година.
Скулпторот Башески пред софиската публика ќе го претстават директорот на македонскиот културно-информативен центар Васко Шутаров, уметничкиот директор на галеријата Јорданка Костадинова и кустосот од Музејот на современа уметност од Скопје Благоја Варошанец.