Жените не треба да се смеат гласно во јавноста, изјави вицепремиерот Булент Аринч додека се пожали за „морална корупција” во Турција, пишува „Хуриет дејли њуз” .
Говорејќи за време на средбата по повод Фитер-Бајрам вчера Аринч го опиша својот идеал за чист маж или жена, велејќи дека тие двајцата треба да имаат чувство на срам и чест.
-Целомудрието е многу важно. Тоа не е само име. Тоа е украс за жените и мажите. Таа ќе има воздржаност. Мажот ќе биде воздржан исто така. Тој нема да биде женкар. Тој ќе биде обврзан на неговата сопруга. Тој ќе ги сака децата децата. Жената ќе знае што е грев, а што не е. Таа нема да се смее во јавноста. Нема да поканува со нејзиниот однос и ќе ги штити нејзините вредности, изјави Аринч, додавајќи дека луѓето ги напуштија своите вредности денес.
Луѓето треба уште еднаш да се пронајдат во Куранот, рече Аринч, додавајќи дека имало регресија од морални причини.
-Каде се нашите девојки, со малку руменило, кои ги наведнуваа главите и го вртеа погледот настрана кога ќе се погледнеше во нивните лица, со што станаа симбол на чистота?, додаде тој.
Според Аринч некои ТВ серии ги насочуваат тинејџерите да растат само како „секс зависници”, обвинувајќи ги оние кои ја злоупотребуваат возбудата на младите со публикации на телевизија, интернет, весници, или во образовните места, особено во универзитетите.
Аринч исто така се пожалил за високата потрошувачка, која се однесува на бројот на автомобили и мобилни телефони, што поединци ги имаат.
Таргетирајќи ги жените уште еднаш, Аринч рекол дека тие зборуваат за непотребни работи на телефон.
-Жените си разменуваат рецепти за оброк додека зборуваат на мобилен телефон. Што друго се случува? Што се случи со ќерката на Ајше? Кога е свадбата? Разговор за ова лице во лице, рекол Аринч.
Луѓето не треба да ги користат нивните лични автомобили непотребно, изјавил Аринч, додавајќи дека дури и ако реката Нил е полн со нафта, нема да има доволно гориво за сите автомобили.
Екмеледин Ихсаноглу, кој се кандидира за претседател против премиерот Реџеп Таип Ердоган, изјавата на Аринч ја коментираше преку Твитер, велејќи дека во Турција жените треба да се смеат толку силно што смеата на секого ќе биде посилна од сè.