„Денеска во оваа држава не може да се биде опозициски кандидат. Антикорупциска која што не заседава, сега се обидува да најде секави лаги против мени – десетина станови и куки“, изјави од пред зградата на Владата, Андреј Жерновски, кандидат на опозицијата за Општина Центар.
Тој истакна дека неговиот анкетен лист бил секогаш чист кога бил на јавна функција.
„Антикорупциска комисија е продолжена рака на власта, која сега на два дена пред изборите заседава за да по секоја цена оцрни и линчува некого.
„Ако ја победите Владата во првиот круг, ќе ви направи фалисификат и линч. Живееме во држава во која Антикорупциска е продолжена рака на владата“, рече Жерновски.
Според него сега против кандидат не е Тодоровиќ туку лично премиерот Груевски, бидејќи во првиот круг на изборите тој ја докажал победата над Тодоровиќ.
„На крај ќе излезе дека и „Зебра“ не е на Тодоровиќ, туку моја. Во овој втор круг мој противкандидат не е Тодоровиќ. Него го победивме во прв круг. Политички противник ми се Владата и Никола Груевски. Тој е шеф на штабот на Тодоровиќ. Тој е наредбодавач на линчот“, рече Андреј Жерновски.
На денешната прес-конференција, одржана пред зградата на Владата, Жерновски информираше дека инспектори синоќа биле испратени кај Аце Коцевски, кандидатот за градоначалник на Велес.
Целосната изјава на Жерновски во видеото.