Во минатиот мандат градоначалникот Тодоровиќ ја зголеми бројката за 70 вработени,
односно од 65 на 135 – реагираат од општина Центар на обвинувањата од ВМРО-ДПМНЕ дека градоначалникот Жерновски незаконски вработувал
„Се примале блиски роднини и партиски луѓе. Во општината се примало се,
замислете и двајца нуркачи. Има вработени, „заслужни„ партиски кадри кои само фигурирале
на платниот список, а не се појавувале на работа“, се вели во соопштението од општина Центар
Градоначалникот Андреј Жерновски, вели дека нема да го зголеми бројот на вработени во
општинската администрација двојно повеќе како претходникот.
“Доаѓам после 13 години власт на ВМРО-ДПМНЕ на чело на општината. Јас не можам да
туркам тоа што јас го планирам со луѓе кои шират друга политичка агенда, агенда на која
жителите на Центар не и дадоа доверба. Логично е што сум донел луѓе со кои сакам да работам. Советникот Лазаров, требал да види прво што се случува во другите општини каде раководи ВМРО-ДПМНЕ, но и тоа што го прави централната власт и колку има вработено исклучиво партиски кадри“, вели Жерновски
Што се однесува за обвинувањата за незаконска пренамена на средства, од општина Центар велат дека се работи за уште една манипулација, но дека вистината ќе излезе на виделина, како со протестите пред општината.
За градинката во Капиштец е изработен проектот и се чека ревизијата за да започнат градеѓните работи.
За училиштето пак потребно е прво да се изработи идејно решение, кое ќе биде избрано на меѓународен конкурс, од страна на комисија и потоа ќе почната работите за изградба, соопштуваат од Центар