Градоначалникот на Општина Центар, Андреј Жерновски е задоволен од првичниот извештај за тоа како се трошени парите за проектот Скопје 2014, бидејќи рече, граѓаните треба да знаат како се трошени парите.
“Извештајот е поставен на веб страната на општината, за жал, се потврдува нашето претпоставување дека целата постапка од самиот почеток е незаконска.
Материјалот ќе го доставам до обвинителството“, изјави градоначалникот на Општина Центар, Андреј Жерновски.
>>Жерновски: Ревизијата за Ск 2014 патува во Обвинителството
На почетокот на септември проектот ќе го чешла и државниот завод за ревизија. Жерновски потврди дека недостасува дел од документацијата. Тој има информации од вработените дека по првиот круг се изнесени документи. Во договор со странски амбасади за одвојување на средства ќе се реалзиира и заложбата независна финансиска куќа да направи ревизија. Одговарајќи на прашање колку ќе ги чини граѓаните ревизијата, Жерновски посочи дека експертите Тасева и Малиновски ќе добиваат по 50 000 денари.
“Убеден сум дека граѓаните се загрижени колку ги чинеше скапиот проект Скопје 2014. Сумата за експертите е реална бидејќи станува збор за видни експерти и сериозна работа“, рече Жерновски.