Пожарот, кој доцна попладнето на 21 јули избувна јужно од Гевгелија и поради јачината на ветрот се прошири се до македонско-грчката граница зафатил повеќе земјоделски површини со житни посеви, неколку бараки и штала со добиток, пренесуваат локалните медиуми.
-Пожарот предизвика штета на површина од 30 хектари, од кои 15 хектари обработлива земја жито. Констатирани се материјални штети, како изгорена механизација, цела штала со седум животни и викендичка. Во пожарот настрадало и едно куче. Во гаснењето на пожарот учествуваа и пожарникари од Поликастро бидејќи истиот зафатил и мал дел покрај крајбрежјето на реката Вардар, на грчката страна, информира командирот на ТППЕ- Гевгелија, Игор Ризов.
Според пишувањето на грчкиот весник „Еидисис“ била мобилизирана Противпожарната бригада на општина Пеонија, а била остварена и телефонска комуникација со одговорните лица за цивилна заштита од Гевгелија, заради координација во гаснењето на пожарот.