Денеска во 20:00ч, во Македонската опера и балет (МОБ), во рамките на Млад отворен театар, ќе биде изведена претставата Жолта линија на Загребачко казалиште младих, во режија на Ивица Буљан.
Во претставата Жолта линија ансамблот на ЗеКаЕм демонстрира исклучителна енергија и страст во играта, прикажувајќи се како комплетни изведувачи – од глума, преку свирење и пеење до танц и физички движења. Покрај Луција Шербеџија, која ја толкува носечката улога, во претставата игра и младиот актер Ведран Живолиќ кој ја толкува носечката улога во македонскиот филм Лазар чие снимање заврши пред помалку од еден месец.
Претставата Жолта линија покрива широк дијапазон на теми и феномени, на тој начин воспоставувајќи односи помеѓу настаните, медијатизацијата и перцептивните анализи. Претставата се обидува да ги воспостави нивните меѓусебни врски и да ги испита пукнатините кои се создаваат по рабовите, во обидот за комуникација и артикулација.