Претседателот на АПМ , г-дин Љупчо Зиков денеска во просториите на Алијансата за Позитивна Македонија одржа прес- конференција со која повика на политички дуел и дебата помеѓу лидерите на политичките партии и носителите на пратеничките листи на сите изборни единици.
-Во текот на изборната кампања се слуша говор на омраза, а до крајот на изборите тоа ќе добие поголем интензитет. Од друга страна пак, неопростливо е тоа што медиумите се уште ги форсираат четирите политички партии на двата блока, македонскиот и албанскиот . Втора тема која сакам да ја најавам е тоа што слушам дека големи делови од нашата програма се копирани во говорите на лидерите на другите политички партии. Нашата мерка која ја осмисливме за лекување на белата чума која е најголемиот егзодус моментално во Македонија , со 100.000 работни места е реално и стратегиски осмислена. Ги повикувам сите други лидери на политички партии и носители на пратеничките листи на сите изборни единици на јавна дебата да продискутираме меѓусебно за сите овие мерки кои ќе ги спроведуваме и така да видиме колку се реални. Нека не се кријат зад говорот на омраза и нека не ги истакнуваат своите програми само по митинзи по кои користат само навреди и споредби. Не е важно кој ќе биде претседател , важно е најдобро да ја претставува Македонија. Не е важно кој ќе биде премиер, важно е да ги реши проблемите на Македонија, истакна Зиков.
За таа цел, претседателот на АПМ, Љупчо Зиков на политичка дебата ги повика, преку медиумите, сите носители на пратеничката листа од ИЕ1 : Никола Груевски, Рената Дескоска, Чедомир Саздовски, Слободан Близнаковски, Беким Фазлиу, Благоја Марковски, Ермира Мехмети, Гиктен Захири, Љиљана Ивановска, Билјана Јовановска, Сеадин Џафери и Јанко Бачев.