Љубомир Костовски: Апсењето на министерот за здравство Хрватска по барање на европскиот јавен обвинител го изненади и хрватскиот премиер. Мораше да го разреши по итна постапка откако набрзина го свика најтесниото партиско раководство (не и Владата!). Да појасниме – европскиот обвинител е самостоен и има свое седиште во Загреб, бидејќи Хрватска е член на Унијата. Не мора да ги известува локалните моќници, а може да ги користи локалните полициски сили во апсењето. Дали е сега целосно јасно зошто ВМРО ДПМНЕ не сака да влеземе во Унијата за цело време на нејзиното владеење со земјава!? Е тоа е – нема никакво ораторство за борба со корупцијата и отсуство на правна држава. Се се решава брзо и без простор за измолкнување.