Движењето БЕСА од вчера и официјално е политичка партија. Регистрацијата е извршена со нејзиното официјално име Lëvizja BESA, односно Движење БЕСА, а судот ја прифати политичката програма и статутот на движењето.
– На овој начин од денеска Движењето БЕСА и официјално, со своите тела формирани во согласност со Статутот на движењето, ќе ги извршува активностите на политичката сцена во земјата, додека правниот застапник во својство на претседател на Движењето до конгресот ќе биде Билал Касами. Движењето БЕСА нејзината конвенција на основање ја одржа на 22 ноември 2014, каде што и беше промовиран Иницијативниот одбор на Движењето БЕСА и каде беше избран координаторот. Движењето БЕСА веќе ја промовираше и својата политичка платформа за излез од актуелната криза под наслов Платформа на иднината “Редефирање“, која континуирано се промовира низ албанските населби во Македонија, информираат од новата партија.