Нападнат физички пратеникот од СДСМ, Максим Димитриевски

Пратеникот од редовите на СДСМ, Масим Димитриевски синоќа во кафеаната „Палас“ во Куманово бил физички нападнат од десетина лица.

Напаѓачите во алкохолизирана состојба, прво вербално го провоцирале Димитривески , а потоа се обиделе и физички да се пресметаат со него.

Како што тврди тој, се обидувал да не подлегне на провокациите, но реагирал бидејќи со него била и сопругата.

Пратеникот го пријавил случајот во МВР, и вели иако е обид да биде заплашен, тоа нема да му успее на никого.

Максим Димитриевски за НОВА вели лично не ги познава луѓето кои го нападнале и вели не сака да шпекулира кои биле тие се додека истрагата е во тек.