Околу 30 проценти од болните со хронична милоична леукемија се оставени да умрат бидејќи немаат не можат да ги примаат неопходните лекови. Станува збор за околу 40 пациенти на кои не им делува лекот кој го има на позитивната листа, а државата не им овозможува терапија која претставува втора или трета опција во лекувањето. Некои од нив се обидуваат да си го продолжат животот за некој месец, продаваат возила или станови, но лековите се многу скапи.
„Никако не се снаоѓаат тие луѓе умираат, ако не најдат лек тие умираат. Шансите за преживување се никакви. Месечната терапија е 3 500 евра, но никој не може да си ја дозволи. Пациентите немаат алтернатива“, изјави за НОВА, Пепо Леви претседател на Здружението на пациенти со ХМЛ.
“Не само што не мрднавме напред сите овие години, туку се вративме назад“, рече Пепо Леви, во емисијата ПРОЦЕС која ќе ја гледате во недела после 16 часот на НОВА.
Во моментот во државата има регистрирано 114 пациенти со оваа болест, а околу 40 од нив се оставени да умрат бидејќи не им делува лекот кој е единствено достапен на позитивната листа на лекови.