По екстерното, ќе се стопира и воведувањето на програмата Кембриџ во средното образование. Ова го најави денеска министерката за образование Рената Тренеска Десковска.
Таа најави дека се бараат правни механизми тоа да се направи до почетокот на следната учебна година, додека во основните училишта каде веќе се спроведува, ќе се прават консултации дали и како може да се укине.
-Таа програма предизвика негативни реакции кај родителите, учениците и наставниците. Оние кои имаат искуство во образовниот процес, односно наставниците, посочија дека има многу недоследности, почнувајќи од тоа како е структуирана програмата, несоодветни предводи кои содзваа конфузија, вели Тренеска Десковска.
На дебатата „Реформирање на неуспешните реформи“ организирана од институтот Прогрес, министерката за образование најави и намалување на бројот на часови за основниците и на административните обврски за наставниците, односно намалување на бројот на предмети во основното образование, помал број ученици во паралелките, намалување на бројот на часовите на наставниците со повисоки звања и подолг стаж за да можат да бидат ментори на помладите колеги.
-Многу работи треба да се сменат, особено неуспешните новини на претходната власт поради што само богатите можеа да овозможат квалитетно образование на своите деца, рече професорот Петар Атанасов.
Универзитетските професори побараа нов закон за високо образование, кој според професорот Александар Спасов од „Прогрес“, мора да се изготви заедно со академската јавност. Ќе се инсистира и на нов начин на финасирање на високото образование, како и на измени на уписната политика.
Екс-советникот на министерот за образование на Финска, Еса Суоминен објасни дека најдобриот светски образовен систем, кој го постигнала Финска, се телелел врз бесплатно образование за сите, каде талентираните ученици можат да аплицираат за понатамошно бескрајно школување, како и интеграција на учениците со посебни потребни во нормалниот образовен процес.