Одделението за организиран криминал при Јавното државно обвинителество каде што шеф е Марко Зврлевски води предистражна постапка за незаконско финансирање на изборниот процес против повеќе невладини организации и политичката партија БЕСА, дознава НОВАТВ од многу високи извори во истрагата кои поради личната безбедност побараа да останат анонимни.
Станува збор за невладини организации кои се финансирале од странски донатори како владата на САД и други влади од западните земји и фондацијата „Институт Отворено Општество“. Предметот е оформен помеѓу 20 и 30 декември, непосредно по завршувањето на предвремените парламентарни избори или три дена по прогласот на политичката партија ВМРО-ДПМНЕ во којшто најави борба со невладниот сектор или тааканаречената „десоросоизација“, оформен е по предмет доставен до МВР од страна на Антикорупциската комисија. Во предистражната постапка се вклучени високи безбедносни служби во полицијата, а директорот на Бирото за јавна безбедност го координира тимот од повеќе институции.
НОВАТВ разговараше со Чавков телефонски, но тој за информации не упати во Државното јавно обвинителство. Службата за односи со јавноост во обвинителстовото, пак, за НОВАТВ рече дека тие водат повеќе постапки во врска со кршења на изборниот законик, од кои што најголем дел биле оние по пријави од граѓани и политички партии, но и по допрен глас. Обвинителството не одговори на нашите прашања за оваа конкретна истрага. Ниту Антикорупциската комисија не одговори на телефонските повици на НОВАТВ.
Контролите за финансиското работење кои беа најавени за невладините организации кои се критички настроени кон власта започнаа на 20 декември. Освен во Фондацијата Отворено општество, финансиски контроли беа најавени и во Хелсиншкиот комитет за човекови права, Младинскиот образовен форум, Македонски центар за европско образование, Метаморфозис и во петнаесетина други. Во април минатата година, финансиска полиција влезе и во невладината „МОСТ“ којашто важи за организација којашто непристрасно ги набљудува изборите. Сите овие организации пари за своето работење обезбедуваат од Фондацијата Отворено општество, од УСАИД и од странски амбасади.
Политичката партија БЕСА, која што е нова, на овие избори на кои учествуваше прв пат зеде 5 пратеници. Тие одбиваа секаква соработка и коалиција со ВМРО-ДПМНЕ.