Десетици студенти на медицинските студии во моментов со бели мантили и транспаренти пред Министерството за здравство бараат средба со министерот Никола Тодоров во врска со измените н Законот на медицински студии.
Студентите велат дека досега во повеќе наврати испратиле барања за надлежните да им објаснат зошто е потребно да се полага државен испит кон крајот на втората и кон крајот на четвртата година, кои точно предмети ќе бидат опфатени и зошто студентите од Тетово или Гостивар, се праќаат на пракса на другиот крај од државата, во Гевгелија, без притоа никој да не се позанимава за нивните трошоци.
Студентите велат дека ваквите измени се вметнати во Законот за медицински студии, поточно во членот 5 и 6, без никакви консултации со експертската јавност. Тие и натаму ќе бараат средба и објаснување од ресороното Министерство и не ја исклулчуваат можноста да продолжат со протестите.
Студентите носат транспаренти „Не сме експериментални глувчиња“, „Учиме за да бидеме доктори, а не пациенти“, „Спасете ни го образованието“, „Увоз на реформи=извоз на доктори“.