Премиерот Зоран Заев денеска изјави дека Владата ќе го донесе законот за јазиците пред локалните избори.
Според него, со неговото донесување нема да бидат загубени гласовите на граѓаните ниту од македонската, ниту од албанската етничка заедница.
Тој пред деловниот појадок со Сојузот на стопанските комори истакна и дека секој има право на еднаквост во општеството и да ја чувствува Македонија како своја.
Вчера, одговарајќи на истото прашање Заев рече дека СДСм останува на истиот став, не калкулира и не купува време.
-Ова прашање не е само прашање на ДУИ,Беса, ДПА…ова е прашање и на СДСМ и на македонските граѓани. Оваа влада има намера со решенија да ги затвора отворените прашања, а не да ги става под тепих, рече Заев.
Тој истакна дека предлогот на измените е во процедура и во тек се консултации, а ќе биде донесен на оворена седница.
-На предлог на нашите европски прјатели нацртот ќе биде испратен и до Венецијанската комисија, на нивна експертиза. Ние како Влада ќе го донесеме предлогот на Законот за употреба на јазиците на отворена седница. Еве и во ВМРО-ДПМНЕ велат дека сакаат да ги променат своите позиции кон Албанците во Македонија, па на собраниската расправа очекуваме поддршка и однив. Одлуката е донесена. Собраниска седница може да има и пред добивањето на екпертизата од Венецијанската комисија. Ние може да го донесеме законот, а ако има некакви забелешки до Венецијанската комисија, да седнеме и да дополниме нешто ако се согласуваме со забелешките. Немаме никакви резерви да ги разгледаме и тие укажувања. Со коалициските партнери процесите ги водиме што побрзо да ги решаваме проблемите. Не калкулираме, не купуваме време, законот треба час поскоро да го донесеме. Ако овој закон го донесеме и почне неговата имплементација, тогаш ќе имаме повеќе време да се посветиме на економските прашања. Немаме никакви предрасуди. Тоа што сме го кажале стоиме позади тоа, изјави Заев.