Празникот на трудот 1 мај, кој е комеморација ја работничките битки од 19 век во САД, беше одбележан со протести во многу земји во Европа.
Во Истамбул полицијата ги спречи со солзавец протестантите на плоштадот Таксим да се соберат. Турските власти забранија протести на овој плоштад од последните насилства минатата година. Судирите се одвиваа во текот на целиот ден а билансот е 90 ранети и 142 уапсени лица.
Инциденти имаше и во Анкара каде што полицијата исто така ги спречи протестантите да се соберат.
Во Москва 100.000 лица се собраа на Црвениот плоштад каде што првомајско собирање немало од 1991 година. Овој пат мотивот беше патриотски бран кој ја врати традицијата на првомајско собирање кое беше акцентирано од украинската криза.
Протестантите носеа натписи на кои пишуваше «Горд сум со мојата земја» и «Путин е во право» и руски знамиња и ја манифестираа својата поддршка на спојувањето на Крим во Русија. Според руските синдикати на протестите се собрале два милиона луѓе низ целата земја.
Од друга страна во Киев мобилизацијата беле слаба и само 2-3.000 луѓе се собраа со пароли за единство на Украина.
Во ЕУ собирите добија исто така политичка боја со доближување на европските избори закажани за 25 мај.
Во Шпанија десетици илјади луѓе манфестираа во 70 градови барајќи намалување на големата невработеност која изнесува 26 отсто и посигурни работни места.
Во Франција синдикатите протестираа против економскиот план со кој државата се обидува да заштеди 50 милијарди евра како што најави социјалистичката влада. На дефилеата се собраа 100.000 луѓе.
Во Грција 20.000 луѓе се собраа од Атина до Солун да бараат реализација на социјална Европа. Дефилеа имаше и во Португал, Италија или Швајцарија каде што протестантите бараа воведување на минимална плата.