Европската комисија (ЕК) денес усвои план за помош а Украина од 11 милијарди евра а за утре е закажан самит на лидерите на ЕУ посветен на кризата во оваа земја.
Пакетот на ЕК, кој е придонес на извршното тело на ЕУ за утрешниот самит, се состои од 11 милијарди евра за следните две години кои доаѓаат од буџетот на ЕУ и на европските финансиски институции, прецизираше шефот на ЕК Хозе Мануел Баросо.
Од споменатата сума има 1,6 милијарди во форма на кредит, 1,4 милијарди грант, 3 милијарди од Европската инвестициона банка, 5 милијарди би дошле од Европската банка за реконструкција и развој а таа ќе мобилизира 250 милиони евра од фондовите наменети за соседската политика за да добие кредит од 3,5 милијарди евра.
Лидерите на ЕУ утре одлучија да се соберат на вонреден самит посветен на Украина на кој тие треба да донесат одлука за замрзнување на имотите на 18 раководни украински лица кои биле имплицирани во насилствата во Киев во февруари, јавуваат европските медиуми цитирајќи висок дипломатски извор на ЕУ. Овој список ќе биде објавен на Службениот весник на ЕУ утре пред почетокот на самитот.
Според некои извори можно е на овој список да се најде и Виктор Јанукович. Разрешениот претседател веќе се наоѓа на списокот на Швајцарија која одлучи да му го замрзне сметките исто како и на уште 19 лица помеѓу кои има министри и каде што е и Александар Јанукович, син на претседателот, кој има свој имот и фирма во Швајцарија.
ЕУ смета дека овие санкции мораат да се применат за лицата кои се одговорни за нарушување на човековите права и прекумерна употреба на сила.
Санкциите се однесуваат на замрзнување на сметки а не на забрана за издавање визи како што беше планирано минатата недела.
Европските медиуми информираат за можни санкции против руски функционери доколку тензијата во Крим не се смири до одржувањето на самитот.