Триесет дневен притвот им изрече истражниот судија на седуммина од приведени во вчерашната полициска акција „Ликвидација“ .
Испрашувањето траело до 1 часот по полноќ и во притвор се пренесени новинарот Томислав К., адвокатите Валентин.З и Сашо Л., јавниот обвинител Ивица Е., судијата Иле Т., лицата Јане П. и Сабедин. Џ, а поранешниот судија Борис Н. е пренесен во домашен притвор со оглед на возраста од 72 години.
Осуммината, меѓу кои судии, јавен обвинител, новинари и други лица, беа приведени вчера утро по што им беа поднесени кривични пријави за примање поткуп, злоупотреба на службената положба, оддавање на информации и други кривични дела
Речиси секој од нив се врзува со случајот со нарачаното убиство на Лазар Милошевски од велешко Ореше, односно дека ургирале за осомничените за убиството да бидат ослободени од притвор, истражниот судија го открил идентитетот на заштитениот сведок чие име потоа се нашло во новинарски текст во магазинот „Репортер 92“ во двапоследователни број во ноември 2008 година