Точно 45 години поминаа откако загина херојот на Советскиот сојуз Јуриј Гагарин. Денеска се навршуваат 80 години од неговото раѓање.
Гагарин е роден на 9 март 1934 година во село Клушино, во Смоленската област. На 12-ти април 1961 година, пилотот на Советското воено воздухопловство стана првиот човек кој отпатува до вселената. Неговиот лет во свемирот, поточно по земјината орбита траеше вкупно 108 минути, што воедно претставуваше победа на Советскиот сојуз во текот на Студената војна.
Сепак, седум години подоцна, рускиот космонаут загина, а до денес неговата смрт претставува мистерија за светот.
Помеѓу мистериите постои можност дека Јуриј Гагарин е убиен по наредба на тогашниот претседател на СССР Леонид Брежнев, поради нелојалноста на Гагарин кон Комунистичката партија на Русија.
Постои шпекулација и дека извршил самоубиство, како и теоријата дека наводно авионот во кој бил Гагарин се судрил со НЛО.
Пилотот Алексеј Леонов пак, кој е првиот човек кој зачекори по вселената во 1965 година ќе објасни дека не бил одобрен млазен пресретнувач SU-15, кога тој ден летал во голема близина на авионот на Гагарин, што само по себе претставува опасност.
Леонов ова го потврдува од причина што на критичниот ден бил на место на настанот, слушнал звук на авион и разговарал со сведоците.
– Авионот ја намали брзината и одалеченоста на само 10-15 метри, притоа поминуваќи го авионот со кој пилотирал Гагарин премногу блиску, вели тој.
Потоа тој формира дел од државната комисија која ја истражува несреќата, но кога му бил овозможен пристап, Леонов доаѓа до откритие на голем број неправилности и искривување на вистината.
Урните со пепел на Гагарин и полковникот Владимир Серогин, кој присуствувал со него во авионот при загинувањето, се положени во Кремлљовскиот ѕид.