Искршени столчиња, ишарани ѕидови, тоалети што се распаѓаат. Грда е сликата на новата железничка станица, некогаш гордост на градот Скопје. Наместо река од луѓе кои брзаат кон пероните, морничавата тишина владее уште од самиот влез на станицата.
Некогаш белите ѕидови, сега се сиви, плочките се искршени, времето е застанато во минатиот век. Горе на пероните едвај опстојуваат неколку искршени клупи на кои стои марката „Словенија шпорт – опрема “.
Од неколкуте билетарници, работи само една. 10 денари се плаќа за тоалет кој лесно може да се пронајде поради смрдеата која што се шири од него. Скопјани коментираат, некогаш имаа со што да се пофалат, добијаа супермодерен објект единствен во Југославија. Сега, велат тие страшно е она што се случува со железничката станица во Скопје.
Најави за нејзино реновирање има. Треба да се направи проект , станицата според најавите ќе ќе мора да стане пристапна за инвалидизираните лица, лифтовите ќе треба да проработат, ќе се поправа и осветлувањето, а треба да се интервенита и на пероните. Најави има, но засега на терен не се почнати никакви активности.
Новата железничка станица во Скопје е пуштена во употреба на 27 јули 1981 година. Од тогаш, па се до денеска, не е направена нокаква поголем интервенција.
Сунаи Сабриоски