Автори: Кристина Озимец, Фатбарда Цури
Блиску до Тетово, а сепак далеку од загадувањето. Во тетовско Селце не пречека немирен ветер и сонце, но и загрижени сограѓани кои се уште во меморијата ја имаат кобната 2001.
Нивното мирно секојдневие неодамна се наруши откако селаните разбрале дека некои албански веб портали објавиле како токму на нивната планина се шетаат вооружени лица, кои подготвуваат насилни напади.
Токму во овој крај, пред 16 години започна воениот конфликт во Македонија. Во сред политичка криза и кревка меѓуетничка состојба, беа објавени непроверени и сензационалистички информации. Неколку портали ја раширија шпекулацијата дека 80-тина војници се спремале да ја преземат територијата каде живеат Албанци во западниот дел од Македонија и да прогласат независна „Илирида“.
Но на терен, ваквите информации од жителите на селата Селце и Гајре се одбиени како невистини и манипулации. Претседателот на месната заедница Селце, Ќани Хисени за НОВА вели „Ние се изгоревме еднаш во 2001, втор пат нема шанси“.
Погледнете повеќе во видео репортажата на НОВА и ПортАлб од тетовско Селце и градот Тетово.