Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Состојбите во Телеком – излезни решенија за новата власт

0
By Нова ТВ on August 11, 2017 ВЕСТИ
СПОДЕЛИ
Facebook Twitter LinkedIn Email
Published: Friday, August 11, 2017 14:19

Пишува Симо Груевски, дипломиран инженер

За носење добри и лоши одржливи решенија, надлежните институции од новата власт, треба да располагаат со објективни и прави информации за состојбите во своите сектори. Во таа насока, јас цели 12 години ја обсервирам компанијата Македонски Телеком и со изјави и дописи се обидував преку медиумите да ја информирам јавноста за случувањата во истата.

Претходната власт немаше слух за моите укажувања и согласно нејзините интереси ги подржуваше, а со тоа ги усложнуваше состојбите во компанијата. Со податоци за злоупотреби и криминал во оваа компанија, навреме ги информирав сите надлежни служби и обвинителствата, но тука завршуваа сите мои напори во борбата за правда.

За жал, за моите активности поднесов 10-годишни судења – голгота од тужбите на компанијата во чиј развој го вградив целиот свој работен век, за да на крајот бидам предвреме избркан од истата, од страна на унгарските лопови на чело со атаманот Атила Сендреј, а со благослов на нашите интересџии Пенов и Црвенковски.

Но, да се навратам на сегашниве состојби, со надеж дека новата власт ќе има доблест и ќе се обиде да ги санира состојбите во оваа компанија, а тоа што не го сработи нашето, го сработи американското судство и за тоа наплати 200 милиони евра.

Изминатите години, Телекомот беше нива без стопан, комплетно партизирана и приватизирана од партијата на власт преку нејзините претставници  Луковски, и погодна за грабеж од унгарските и од нашите интересџии.

Компанијата Македонски Телеком беше избрзано приватизирана (продадена) на унгарскиот Маџар Телеком на 15 јануари 2001 година и со сета своја инфраструктура за 317 милиони евра од страна на тогашната влада на Република Македонија, предводени од Љубчо Георгиевски.

За добивката од ваквата приватизација, ќе ги наведам споредбено податоците од 1999 година, кога компанијата беше 100% во државна сопственост на РМ, и за 2016 година во сопственост  од 51% на Маџар Телеком, а 35% сопственост на Република Македонија. Во 1999 година, Владата на Република Македонија имаше добивка од работењето на оваа компанија во износ од 65 милиони евра при број на 3672 вработени и 67.000 мобилни приклучоци, а во 2016 година, добивката за Владата на Република Македонија се сведе на 7 милиони евра, при 1.100 вработени и 1 милион и 300 илјади мобилни приклучоци. Спротивнo на резултатите, разликата во платите на менаџерскиот тим е уште пофрапантна.

Платата на првиот човек на Телеком во 1999 година не надминуваше 1.000 евра, за во 2016 година, главниот менаџер да има плата, не помала од 35.000 евра, што е поголема и од платата на германската канцеларка Меркел. Ова се должи на измената на законот за плати од 2002 година, со што се дозволи менаџерите во компаниите со приватна сопственост под 70% сами да си ги одредуваат платите.

Наредната 2018 година, истекува валидноста на концесијата добиена во 2001 година, скоро бесплатно од Владата на Георгиевски. За споредба, петнаесеттина земји од европската заедница во 2000 и 2001 година од продажбата на концесиите, само за мобилни мрежи инкасираа 300 милијарди евра или сведено по број на жители, Република Македонија требаше да наплати 800 милиони евра, само за концесија на мобилната мрежа. Сега е момент за продолжување на концесијата со што новата Влада преку Министерството за транспорт и врски, треба да се обиде да го исправи овој пропуст согласно европската пракса.

Поради лошите резултати и потребата за обнова на концесијата, доминантниот сопственик Дојче Телеком, а и поради лошото искуство со унгарските кадри во Телекомот, претпоставувам дека Дојче Телеком ќе бара решение за редефинирање на сопственоста. Тоа ќе биде можност за новата Влада сериозно да почне да размислува за иднината на оваа компанија.

Излезни решенија:

1.Новата Влада треба да лоцира кадрови во бордот и менаџментот со доминантен кредибилитет, стручност и неспорен морален интегритет, личности неподложни на корупција и злоупотреби, бидејќи истите во периодот што предстои поради отуѓувањето на многу градежни објекти и поради стекнатите навики на странските менаџери со претходната влада ќе бидат изложени на многу обиди за поткуп. Поради сето ова, новата Влада треба да заведе ригорозна контрола на однесувањето на нејзините претставници во Телеком. Преку оваа компанија, Владата или ќе ја докаже својата антикорупциска стратегија, или ќе го изгуби угледот.

2. Владата под итно да го врати законот за плати во состојба пред измените од 2002 година.

3. Да се држи согласно акционерскиот договор од 2001 година (овој договор има третман на меѓународен договор и истиот не трпи интерни промени), кој за жал досега не беше почитуван.

4.Преку реформираниот судски систем да подржи расчистување и санкционирање на случаите за корупција и злоупотреба во Телекомот од минатиот период.

Очекувам Владата да остане на ветените стратегии од својата програма, со што ќе ја заслужи подршката на членовите од СДСМ ид граѓаните на Република Македонија.

 

Share. Facebook Twitter LinkedIn Email
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.