Повторното воведување визи за Балканот мина уште една етапа оваа недела со тоа што Европскиот парламент (ЕП) постигна договор со земјите членки на ЕУ за привремено воведување на визите. Овој договор не води директно во суспензија на визите но тој и овозможува на Европската комисија (ЕК) да одлучи дали да ја примени клаузулата за привремено укинување на визниот режим доколку биде под притисок на земјите членки.
Истовремено и Бирото за азиланти на ЕУ во најновиот извештај наведува дека во 2012 година бројот на азиланти од Западниот Балкан се зголемен за 49 отсто со што Балканците го надминуваат вкуниот број на баратели на азил од Сирија и Авганистан. Вкупната бројка вели дека 53.000 Балканци побарале азил во ЕУ во споредба со 335.365 азиланти од другите региони во светот во текот на 2012 година.
Највисокото ниво на азиланти се бележи во октомври а најниското во март и Бирото најавува извештај посветен исклучиво на Балканот наесен.
Овие бројки веќе одамна ги натераа земјите членки на ЕУ да побараат суспензија на визниот режим за Балканот и пред се за Србија и Македонија од каде доаѓаат најголемиот број азиланти. Договорот на ЕП со земјите членки на има поддршката на групите на демохристијаните и либералите додека Тања Фајон од социјалистичката група за ЕУобсервер тврди дека текстот не е добар компромис но дека е донесен под силен притисок на земјите членки.
Следната недела земјите членки ќе дискутираат за договорот со ЕП и доколку дојде до компромис на двете инситуции – ЕП и Советот на министите – документот ќе биде најверојатно изгласан во септември. Со ова ќе се отвори портата со која ЕК ќе може, на барање на било која земја членка, да ги укине привремено визите. Укинувањето било од 6 месеци но потоа може да се биде продолжувано.
Процедурата почна во октомври 2012 година кога Франција, Германија, Белгија, Луксембург, Холандија и Шведска констатираа дека бројот на баратели на азил од Србија и Македонија е енормно зголемен.