Комесарот Штефан Филе предупредува дека за Македонија е важно да создаде позитивна клима во пресрет на важните одлуки кои кон крајот на годината ќе ги донесат земјите членки на ЕУ во врска со процесот на проширувањето. За да се оствари тоа Филе порачува:
-Прво, целосното ипмлементирање на договорот од 1 март е суштинско. Го поздравивме фактот што Комисијата која ги истражува причините за инцидентот од 24 декември е формирана, но, исто така, жалиме што претседавачот има намери да се повлече.
-Информирани сме дека е направен прогрес, но важно е работата да продолжи за да се дојде до заеднички прифатливи заклучоци, се вели во ијзвата на комесарто Штефан Филе.
Понатаму комесарот Филе ја нагласува потребата од решавањето на проблемите во сферата на слободата на изразувањето со акцент на слободата на медиумите.
-Дијалогот со медиумите вклучително и механизмот како што е работната група за медиуми е суштински со цел да се изгради повторно довeрбата меѓу медиумската заедница и владата како и да се преземат реформите неопходни за плурализмот и слободата на медиумите во земјата. Исто така, важно е коментарите и препораките за новиот закон за медиуми да бидат земени во предвид, рече Филе.
Трета работа која комесарот Филе сака да ја нагласи се реформите во изборниот систем.
-Ја поздравуваме дискусијата по амандманите на изборниот законик. Важно е сите недостатоци и препораки да се земат во предвид што поскоро во целост, вели Филе во неговата изјава.
На крајот тој додава дека државата треба да ги продолжи реформите и да се фокусира на нивната имплементација.
-Исто така важните политички прашања да се земат во предвид со цел да се создаде позитивна клима кон крајот на годината коха земјите членки на ЕУ ќе одлучуваат за процесот на проширувањето, вели комесарот за проширување Штефан Филе во изјавата по седницата на Советот за стабилизација и асоцијација.