Политичката партија ТМРО, преку соопштение ја информираше јавноста дека овластените претставници на ТМРО вечерва до Општинските изборни комисии и градот Скопје, поднеле приговори за сите 675 избирачки места на територија на Скопје .
-ТМРО има сомнеж во веродостојноста на изборните резултати со оглед на електронскиот начин на испраќање податоци од Општинските изборни комисии до ДИК , неброењето на гласовите во изборачките кутии од страна општинските изборни комисии и сомнителниот пат на рачните записници до Општинската изборна комисија – пишува во соопштението на ТМРО.
Оттука сметаме дека заради утврдување на релевантниот број гласови и отфрлање на секаков изборен сомнеж, инсистираме на рачно и јавно броење во Скопје,кутија по кутија на гласачките ливчиња од кутиите- истакна Стефан Ристовски овластен преставник на ТМРО во ДИК.