Доцна вечерва, се степале навивачи во близина на Бит пазар. Според сведоците на местото имало и возила на брза помош. Полицијата ги бркала навивачите, а затворена е и крстосницата.
Од МВР информираат дека ситуацијата е ставена под контрола и дека местото е безбедно и има полициско присуство.
– Околу 21 часот пријавено е дека на булевар „Крсте Мисирков“ на постојката кај 26-ти Јули во автобус на ЈСП бр. 50 од страна на повеќе лица бил нарушен јавниот ред и мир и притоа биле нападнати и патниците кои биле внатре во автобусот. Нарушувањето започнало на горниот кат од автобусот каде што настанала тепачка, која потоа продолжила и на долниот кат од автобусот. Едно од лицата учесник во тепачката го фатил воланот на шоферот и предизвикал сообраќајка, односно автобусот удрил во приватен автобус бр.20. Откако биле отворени вратите од автобусот, лицата продолжиле со тепачката на самата постојка, но по пристигнувањето на полициските службеници лицата се разбегале во различни правци. Повредени се три лица кои со возила на итна медицинска помош се префрлени во Ургентен центар. Засега е приведено едно лице Р. Б. и се преземаат мерки за целосно расчистување на случајот и идентификација на сите учесници во насилството – информираат од МВР.