Врховниот суд им упатил известувања на двете компании на Субрата Рој, „Сахара Индија рил естејт корпорејшн“ (Sahara India Real Estate Corporation) и „Сахара хоузин инвестмент корпорејшен“ (Sahara Housing Investment Corporation), дека не ја испочитувале одлуката на судот за рефундирање на 190 милијарди Рс или околу 3,5 милијарди долари на инвеститорите преку СЕБИ (Securities and Exchange Board of India), пишува индискиот весник Бизнис Тудеј (Bussiness Today) .
Известувањата биле издадени на петиција од страна на Sebi што бараше поведување на постапка за недепонирање пари собрани од инвеститорите со регулаторот на пазарот во однос на наредба донесена од страна на Судот, со кој претседаваше главниот судија на Индија (неодамна во пензија) Алтамас Кабир кој го продолжи времето на исплата.
Во најновото барање на судиите, Субрата Рој мора да достави конечен одговор до вторник.
Судиите изјавиле дека на компаниите нема повеќе време да им се даде и тие не може да барааат повеќе одложување во случајот.
На последниот датум на сослушувањето на 17 јули, Судот изјави дека првиот човек на Сахара Субрата Рој и директорите на двете други компании ќе мора да се појават пред него, ако не се почитува оваа одлука.
Врховниот суд на 5 декември донесе одлука според која на фирмите на Субрата им определи период од девет недели за враќање на инвеститорите сума од 4,38 милијарди долари, со 15 отсто камата.
Судот, соопшти дека СЕБИ може да ја сопре продажбата на имот и да ги замрзне банкарските сметки на компаниите ако тие не ја рефундираат сумата на пари.
СЕБИ има нови, значајно поголеми овластувања со што може лесно да активира секакви начини да се делува против неплаќачите.
-Субрата Рој, првиот човек на групацијата Сахара, сега е загрижен човек, поради неговото конфронтирање со пазарниот регулатор СЕБИ. Владата на СЕБИ му даде поголема моќ, со што оваа институција ќе може да одзема имот и банкарски сметки на личности и компании кои не ги спровеле нивните одлуки, како и исплата на казни, рефундирање на средства на инвеститорите или исплаќање на други доспевања, пишува „Бизнис тудеј.
Индиската Влада се согласила со барањето на СЕБИ, да и се дадат поголеми овластувања за да им се стави крај на неплаќачите, односно таа добила такви овластувања какви што имаат судовите- сега СЕБИ ќе може да издаде налог за претрес, конфискација, заплена на имот, па дури и апсење на неплаќачите и да даде насоки за враќње на погрешно стекнати добивки направени спротивно на законот.
Во Индија се смета дека одлуката да му се дадат поголеми овластувања на СЕБИ може да е испровоцирана од спорот со Сахара.
СЕБИ лани донесе одлука дека „Сахара груп“ им должи на инвеститорите 4,38 милијарди долари. Доколку групацијата во меѓувреме уплатила 934 милиони долари тогаш сепак остануваат за враќање уште 3,5 милијарди долари. „Сахара“ тврдеше дека овие пари им ги има вратено директно на двете компании кои што купиле нејзини обврзници. Но, ова нејзино тврдење беше предмет на истрага, бидејќи СЕБИ тврдеше дека не може да го утврди текот на парите.