Денеска се одбележува Денот на албанското знаме. ДУИ најави дека традиционално по овој поворд ќе одржи свечена академија, напладне во хотелот Александар Палас.
Ова знаме, кое на државно на Република Албанија, а го користат и етничките Албанци во Македонија, потекнува од сличен грб што го користел Ѓорѓија (Ѓерг) Кастриот – Скендербег.
Денешното албанско знаме било усвоено на 7 април 1992 година, а додека претходните знамиња на социјалистичка Албанија и Кралство Албанија биле сосема слични, со мали детали што биле додавани.
Во Албанија општо прифатена теза е дека знамето на Албанија, поточно двоглавиот орел е позајмен од печатот на Скендербег. Скендербег, поточно семејството Кастриоти, користеле двоглав црн орел со по една круна над секоја глава. Орелот е византиски, поточно орелот го користела византиската династија Палеолози. Од страна на модерната албанска нација, орелот почнал да се употребува во доцниот 19 век и раниот 20 век. Како официјален симбол на Албанија за прв пат бил употребен во 1912 година, кога Албанија станала независна.