Published: Sunday, August 11, 2013 15:31
Фотографијата на познатиот фоторепортер Томислав Георгиев на која луѓе преоблечени како штрумфови се растрчани по мостот на уметноста во центарот на Скопје стана вистински хит на социјалните мрежи.
„Штрумфовите“ денеска шетале низ центарот на градот со намера да го промовираат новиот филм во 3Д „Штрумфови 2“ чија што проекција е вечерва. Во еден момент штрумфовите се растрчале по мостот на уметноста, момент кој го уловил објективот на Георгиев.
Тој својата фотографија ја постави на социјалните мрежи и истата инстанто почна да се споделува од корисниците. Под фотографијата можат да се сретнат иронични коментари како „Дизниленд Скопје е конечно комплетно“, „Лудилото е комплетно“, Уште штрумфови му фалеа на Скопје 2014“ итн.
