Додека смртноста на новороденчињата од година во година се зголемува, матичните гинеколози кои се први на браникот во превенција и следење на бременоста им наплаќаат на трудниците за здравствени услуги кои се бесплатни. Со тоа ја доведуваат во ризик безбедноста на трудницата и новороденчето, бидејќи не секоја жена е во можност да плаќа, а со тоа и да посетува гинеколог.
Кои се причините за непочитување на законите и зошто наместо од надлежните , гинеколозите парите си ги бараат од пациентките. Што презема Фондот за здравствено осигурување. Има ли решение на проблемот, дебатираат др. Ана Петрова советник на директорите во ФЗОМ, др.Душко Филиповски претседател на Здружение на матични гинеколози и Росана Јаневска, правна советничка во ХЕРА.